یوں ہی مر مر کے جئیں وقت گزارے جائیں — احمد فراز
شاعر
یوں ہی مر مر کے جئیں وقت گزارے جائیں
یوں ہی مر مر کے جئیں وقت گزارے جائیں
زندگی ہم ترے ہاتھوں سے نہ مارے جائیں
اب زمیں پر کوئی گوتم نہ محمد نہ مسیح
آسمانوں سے نئے لوگ اتارے جائیں
وہ جو موجود نہیں اس کی مدد چاہتے ہیں
وہ جو سنتا ہی نہیں اس کو پکارے جائیں
باپ لرزاں ہے کہ پہنچی نہیں بارات اب تک
اور ہم جولیاں دلہن کو سنوارے جائیں
ہم کہ نادان جواری ہیں سبھی جانتے ہیں
دل کی بازی ہو تو جی جان سے ہارے جائیں
تج دیا تم نے در یار بھی اکتا کے فرازؔ
اب کہاں ڈھونڈھنے غم خوار تمہارے جائیں
Yun hi mar mar ke jiyein waqt guzare jaein
Yun hi mar mar ke jiyein waqt guzare jaein
Zindagi hum tere hathon se na mare jaein
Ab zameen par koi Gautam na Muhammad na Maseeh
Aasmanon se naye log utare jaein
Wo jo maujood nahin us ki madad chahte hain
Wo jo sunta hi nahin us ko pukare jaein
Baap larzan hai ke pahunchi nahin baraat ab tak
Aur humjooliyan dulhan ko sanware jaein
Hum ke nadan juari hain sabhi jante hain
Dil ki baazi ho to jee jaan se haare jaein
Taj diya tum ne dar-e-yar bhi ukta ke Farazؔ
Ab kahan dhundhne gham-khwar tumhare jaein
شاعر کے بارے میں
ِاحمد فراز، اصل نام سید احمد شاہ، 12 جنوری 1931ء کو نوشہرہ میں پیدا ہوئے۔ ان کے والدسید محمد شاہ برق خود استاد اور فارسی شاعر تھے،احمد فراز ابتدائی...
مکمل تعارف پڑھیں