پڑے تھے ہم بھی جہاں روشنی میں بکھرے ہوئے — اختر شمار
شاعر
پڑے تھے ہم بھی جہاں روشنی میں بکھرے ہوئے
پڑے تھے ہم بھی جہاں روشنی میں بکھرے ہوئے
کئی ستارے ملے اس گلی میں بکھرے ہوئے
مری کہانی سے پہلے ہی جان لے پیارے
کہ حادثے ہیں مری زندگی میں بکھرے ہوئے
دھنک سی آنکھ کہے بانسری کی لے میں مجھے
ستارے ڈھونڈ کے لا نغمگی میں بکھرے ہوئے
میں پر سکون رہوں جھیل کی طرح یعنی
کسی خیال کسی خامشی میں بکھرے ہوئے
وہ مسکرا کے کوئی بات کر رہا تھا شمارؔ
اور اس کے لفظ بھی تھے چاندنی میں بکھرے ہوئے
Pade the hum bhi jahan roshni mein bikhre hue
Pade the hum bhi jahan roshni mein bikhre hue
Kai sitare mile us gali mein bikhre hue
Meri kahani se pehle hi jaan le pyare
Ke hadse hain meri zindagi mein bikhre hue
Dhanak si aankh kahe bansuri ki lay mein mujhe
Sitare dhoondh ke la naghmagi mein bikhre hue
Main pur sukoon rahoon jheel ki tarah yaani
Kisi khayal kisi khamoshi mein bikhre hue
Wo muskura ke koi baat kar raha tha Shumar
Aur us ke lafz bhi the chandni mein bikhre hue