محبت کیا ہے — عذرا یاسمین
شاعر
محبت کیا ہے
“محبت کیا ہے”
ایک مٹیالے رنگ کی چھوٹی سی چٹان ،جس پر گہرے سبز سبزے کی چادر بچھی ہے، اور اُسی سبزے پر تا حدِ نگاہ سفید پھول (گُلِ داؤ دی)، اپنے زر دانوں پر پڑنے والی سُورج کی روشنی سے فضا کو روشن اور خُوب صورت بنا رہے ہیں۔۔اسی چٹان کے ایک چھوٹے سے پتھر کی اوٹ سے جھانکتا ہوا یہی ایک تروتازہ سفید پھول سوال کرتا ہے ۔۔”محبت کیا ہے”
“سنگلاخ چٹانوں کے بیچ، سنگ زاروں میں، کسی صحرا کی ریت کے بیچوں بیچ کسی جھاڑی میں ایک نازک، معصوم سی کونپل پُھوٹنے کا نام محبت ہے”
ایک نو خیز اور نو عُمر حسینہ اپنی ہمجولیوں کے جُھرمٹ میں ہنستی ، کھلکھلاتی ، اور چمکتی ہوئی آنکھوں کے ساتھ اپنی سکھیوں سے کہتی ہے ۔۔ارے دیکھو تو یہ کون بچے ہیں جو اپنے ہاتھوں میں سفید پھولوں سے پُھول در پھول در پُھول بُنے ہؤے، بالوں کو سجانے کے واسطے بے شُمار رِنگ (ہالے) (daisy flower crown )ہماری طرف بڑھ رہے ہیں۔۔۔( گلیات کے سیاحتی مقامات پر یہ مقامی بچے، انتہائی خستہ لباس میں، غُربت کے آثار چہرے پر سجائے ، معصوم آنکھوں میں ماں باپ کا سہارا بننے کے خواب سجائے ، جا بجا، کہیں پر پھولوں سے بنائے گئے یہ رِنگ اور کہیں کہیں پر مقامی پھل لئے اور کہیں پر بندروں کو کھلانے والے بُھٹے لئے ، کثیر تعداد میں نظر آئیں گے)
اور پھر اپنے ادارے کی بس میں آئی ہوئی یہ نو عُمر طالبہ اپنی ساتھیوں سمیت اُن بچوں سے مُعاوضے کے بدلے وہ گُلِ داؤ دی سے بنے ہؤے تاج لے کر اپنے بالوں پر سجا کر خود کو کسی پرستان کی حُور پریاں یا کسی عظیم الشان سلطنت کی ملکا ئیں تصور کرتے ہؤے اُسی طرح ہنستی ہوئی بس میں یکے بعد دیگرے سوار ہوتی ہیں۔۔۔
بس چل پڑتی ہے اور سب گاتے بجاتے ایک دوسرے کے ساتھ ہنسی مذاق میں ، اگلی منزل سے بے خبر ، مصروف ہو جاتی ہیں۔۔
کہ اچانک اُس کی نگاہ گود میں پڑے ہوئے پھولوں کے رنگ پر پڑتی ہے، جس کو اُس نے بالوں اُتار کر سامنے رکھا ہوا تھا۔۔۔ اور پھر غیر ارادی طور پر وہ اُن ہی میں سے ایک پھول کی سرگوشی سُنتی ہے کہ ۔۔۔
“ یہ محبت بھلا کیا ہے”
“کسی نو عُمر ، حسین دوشیزہ کی گھنی زُلفوں میں سجا ہوا کوئی پُھول ، کنوارگی کا حُسن لئے اپنی نوخیز پتیوں کے ساتھ دھیمی دھیمی خوشبو بکھیرتا ہوا۔۔۔ہی محبت کا دوسرا نام ہے”
کسی میدانی علاقے سے آئے ہؤے ایک مُتوسط خاندان کے مختلف عُمروں کے بچے، جو ہر سال اپنے والدین کے ساتھ چند دن پہاڑوں کے بیچ گُزارنے آتے ہیں۔۔، اُونچے اُونچے درختوں سے ڈھکی ، ایک سڑک کے کنارے ایک ڈھلوان پر آپس میں ، دُنیا کے بکھیڑوں سے آزاد، کتابوں اور قلم دوات سے دور اپنے کھیل کُود میں مصروف ، تا حدِ نگاہ سفید پُھولوں کی چادر کو دیکھتے ہؤئے مُقابلہ کی ٹھان لیتے ہیں اور پھر خوشی سے لبریز چہروں کے ساتھ بے ساختہ پھول چُننے لگتے ہیں۔۔۔
اور پھر اپنے اپنے حصے کی خُوشی کو پلو سے باندھے واپسی کے لئے چل پڑتے ہیں۔۔اُن کو معلوم ہے کہ گلیات سے واپسی پر وہ حسبِ معمول دوپہر کے کھانے کے لئے بہتے پانی (ہرنو)کے کنارے کُچھ دیر قیام کریں گے۔۔
اور وہاں وہ سب پانی کے بیچ رنگین چھتریوں کے نیچے پڑی چارپائیوں پر اُچھل کُود کرتے ہؤئے ، ایک دوسرے پر پانی کے چھینٹے اُڑاتے ہؤئے بھیگ جاتے ہیں۔۔۔”
اسی موج مستی کے دوران خوشی سے تمتمانے چہروں کے ساتھ سب گاڑی میں سے اپنے اپنے چنے ہؤئے سفید پھول اُٹھا لاتے ہیں۔۔
اور یکے بعد دیگرے پانی میں بہانے لگتے ہیں۔۔۔شفاف سطح آب پر یہ پھیلے یہ پھول دن میں ہی نیلے آسماں پر تاروں کی طرح دِکھنے لگتے ہیں۔۔اور جب پانی بہتے بہتے زیرِ آب پڑے ہؤے کسی پتھر سے ٹکراتا ہے تو یہی پُھول جھاگ بناتے پانی کے ساتھ اُچھل کر دور پڑ جاتے ہیں۔۔اسی دوران ایک پُھول دو سفید دودھیا پتھروں کے بیچ آجاتا ہے اور پھر لاکھ کوشش کے باوجود وہ پانی کی لہروں کا ساتھ نہیں دے سکتا۔۔اور اپنے باقی ساتھی پھولوں کو پانی کے ساتھ اُچھلتے اور بہتے ہوئے دیکھتا ہے اور پھر اُن ہی پتھروں سے سرگوشی کرتا ہے
“یہ محبت بھلا کس چیز کا نام ہے”
“زیست میں ۔۔۔بہتے جھرنو ں کا حُسن، صاف شفاف پانی کا بہاؤ، اور اُن پر ان حسین پھولوں کا تیرنا اور اُونچی نیچی لہروں کے ارتعاش پر اُن کا مچلنا ہی محبت ہے”
Mohabbat kya hai
“Mohabbat kya hai”
Ek mityaale rang ki chhoti si chataan, jis par gehre sabz sabze ki chadar bichhi hai, aur usi sabze par ta hadd-e-nigah safed phool (gul-e-dau-di), apne zarr danon par padne waali sooraj ki roshni se fiza ko roshan aur khoobsurat bana rahe hain..Usi chataan ke ek chhote se patthar ki oat se jhaankta hua yehi ek tar-o-taza safed phool sawal karta hai..”Mohabbat kya hai”
“Sanglaakh chatanoon ke beech, sang zaaron mein, kisi sehra ki ret ke beechon beech kisi jhaadi mein ek nazuk, masoom si konpal phootne ka naam mohabbat hai”
Ek nau khez aur nau umar haseena apni hamjoliyon ke jhurmat mein hansti, khilkhilati, aur chamakti hui aankhon ke saath apni sakhiyon se kehti hai..Are dekho to ye kaun bachche hain jo apne haathon mein safed phoolon se phool dar phool dar phool bune hue, baalon ko sajaane ke waste be-shumar ring (haale) (daisy flower crown) hamari taraf badh rahe hain...(Galiyaat ke sayahati maqamaat par ye muqami bachche, intehai khasta libaas mein, ghurbat ke asaar chehre par sajaye, masoom aankhon mein maa baap ka sahara banne ke khwab sajaye, ja ba ja, kahin par phoolon se banaye gaye ye ring aur kahin kahin par muqami phal liye aur kahin par bandaron ko khilane wale bhutte liye, kaseer ta'dad mein nazar aayenge)
Aur phir apne idare ki bus mein aayi hui ye nau umar taliba apni sathiyon samet un bachchon se muawze ke badle woh gul-e-dau-di se bane hue taj le kar apne baalon par saja kar khud ko kisi paristan ki hoor pariyyan ya kisi azeem-ush-shan saltanat ki malka'in tasawwur karte hue usi tarah hansti hui bus mein yake baad deegare sawar hoti hain...
Bus chal padti hai aur sab gaate bajaate ek doosre ke saath hansi mazaaq mein, agli manzil se bekhabar, masroof ho jaati hain..
Ke achaanak us ki nigah god mein pade hue phoolon ke rang par padti hai, jis ko us ne baalon utaar kar saamne rakha hua tha...Aur phir ghair iradi taur par woh un hi mein se ek phool ki sargoshi sunti hai ke...
“Yeh mohabbat bhala kya hai”
“Kisi nau umar, haseen dosheeza ki ghani zulfon mein saja hua koi phool, kunwargi ka husn liye apni naukhez pattiyon ke saath dheemi dheemi khushboo bikheirta hua...Yehi mohabbat ka doosra naam hai”
Kisi maidaani ilaqe se aaye hue ek mutawassit khaandaan ke mukhtalif umron ke bachche, jo har saal apne walidain ke saath chand din pahadon ke beech guzarne aate hain.., oonche oonche darakhton se dhaki, ek sadak ke kinare ek dhalwan par aapas mein, duniya ke bakheron se aazad, kitabon aur qalam dawaat se door apne khel kood mein masroof, ta hadd-e-nigah safed phoolon ki chadar ko dekhte hue muqabla ki thaan lete hain aur phir khushi se labrez chehron ke saath be-sakhta phool chunne lagte hain...
Aur phir apne apne hisse ki khushi ko pallu se bandhe wapsi ke liye chal padte hain..Un ko maloom hai ke Galiyaat se wapsi par woh hasb-e-mamool dopehar ke khane ke liye behte pani (Harno) ke kinare kuch der qayam karenge..
Aur wahan woh sab pani ke beech rangeen chhatriyon ke neeche padi charpayiyon par uchhal kood karte hue, ek doosre par pani ke chheente udate hue bheeg jaate hain...”
Isi mauj masti ke dauran khushi se tamtamane chehron ke saath sab gaadi mein se apne apne chune hue safed phool utha laate hain..
Aur yake baad deegare pani mein bahane lagte hain...Shaffaf satah-e-aab par ye phaile ye phool din mein hi neele aasman par taron ki tarah dikhne lagte hain..Aur jab pani behte behte zeir-e-aab pade hue kisi patthar se takrata hai to yehi phool jhaag banate pani ke saath uchhal kar door pad jaate hain..Isi dauran ek phool do safed doodhiya pattharon ke beech aa jata hai aur phir lakh koshish ke bawajood woh pani ki lehron ka saath nahin de sakta..Aur apne baqi saathi phoolon ko pani ke saath uchhalte aur behte hue dekhta hai aur phir un hi pattharon se sargoshi karta hai
“Yeh mohabbat bhala kis cheez ka naam hai”
“Zeest mein...behte jharnon ka husn, saaf shaffaf pani ka bahao, aur un par in haseen phoolon ka tairna aur oonchi neechi lehron ke irtiaash par un ka machalna hi mohabbat hai”
شاعر کے بارے میں
خواب دیکھنے والی، مُسکراتی زندگی کی مانند جینے والی ایک خُوب صورت زندگی
مکمل تعارف پڑھیں