کہاں ملے گا وہ مجھ سے اگر یہاں بھی رہے — باصر سلطان کاظمی
شاعر
کہاں ملے گا وہ مجھ سے اگر یہاں بھی رہے
کہاں ملے گا وہ مجھ سے اگر یہاں بھی رہے
مری دعا ہے کہ وہ خوش رہے جہاں بھی رہے
دل خراب یہ خواہش تری عجب ہے کہ وہ
ستم بھی کم نہ کرے اور مہرباں بھی رہے
ابھی زمین پہ جنت نہیں بنی یارو
جہاں کے قصے سناتے ہو ہم وہاں بھی رہے
رہا ہمیشہ ہی سامان مختصر اپنا
مسافروں کی طرح ہم رہے جہاں بھی رہے
جو ساتھ چلنے کے بھی مستحق نہ تھے باصرؔ
کچھ ایسے لوگ یہاں میر کارواں بھی رہے
Kahan milega woh mujh se agar yahan bhi rahe
Kahan milega woh mujh se agar yahan bhi rahe
Meri dua hai ke woh khush rahe jahan bhi rahe
Dil kharab yeh khwahish teri ajab hai ke woh
Sitam bhi kam na kare aur meharban bhi rahe
Abhi zameen pe jannat nahin bani yaaro
Jahan ke qisse sunate ho hum wahan bhi rahe
Raha hamesha hi saamaan mukhtasar apna
Musafiron ki tarah hum rahe jahan bhi rahe
Jo saath chalne ke bhi mustahiq na the Basir
Kuchh aise log yahan meer-e-karwan bhi rahe
شاعر کے بارے میں
ِباصر سلطان کاظمی اردو کے ممتاز اور معتبر شاعر، ڈرامہ نگار اور ادیب ہیں، جنہیں برطانوی-پاکستانی ادبی دنیا میں نمایاں مقام حاصل ہے۔ آپ معروف اردو شا...
مکمل تعارف پڑھیں