عجب طرح کے مسائل ہیں، فرد کیا شئے ہے — دانش نقوی
شاعر
عجب طرح کے مسائل ہیں، فرد کیا شئے ہے
عجب طرح کے مسائل ہیں، فرد کیا شئے ہے
پہاڑ ہو تو لرز جائے مرد کیا شئے ہے
میرا تو خیر خزاؤں سے واسطہ ہے مگر
خبر نہیں تیرے چہرے پہ زرد کیا شئے ہے
چھپاکے رکھتی ہے لوگوں سے مجھکو ماں کی طرح
تمہیں پتہ ہی نہیں ہے یہ گرد کیا شئے ہے
میں سرد آہیں تسلسل سے بھرتا رہتا ہوں
نجانے سینے میں اس درجہ سرد کیا شئے ہے
جو زخم بانٹتے پھرتے ہیں گلیوں گلیوں انہیں
سمجھ بھی آئے تو کیسے کہ درد کیا شئے ہے
Ajab tarah ke masail hain, fard kya shai hai
Ajab tarah ke masail hain, fard kya shai hai
Pahad ho to laraz jaaye mard kya shai hai
Mera to khair khizaaon se waasta hai magar
Khabar nahin tere chehre pe zard kya shai hai
Chhupa ke rakhti hai logon se mujhko maa ki tarah
Tumhein pata hi nahin hai yeh gard kya shai hai
Main sard aahein tasalsul se bharta rehta hoon
Najane seene mein is darja sard kya shai hai
Jo zakhm baant'te phirte hain galiyon galiyon unhein
Samajh bhi aaye to kaise ke dard kya shai hai