حد سے بڑھ کر ہو تو ویرانی سے خوش ہوتے ہیں — دانش نقوی
شاعر
حد سے بڑھ کر ہو تو ویرانی سے خوش ہوتے ہیں
حد سے بڑھ کر ہو تو ویرانی سے خوش ہوتے ہیں
ہم کسی شئے کی فراوانی سے خوش ہوتے ہیں
ایک تو ہے جسے اچھے سے سمجھ کر خوش ہیں
ورنہ ہم لوگ تو حیرانی سے خوش ہوتے ہیں
جب بھی ہم لوگ ہنسیں ہم کو دلاسہ دینا
ہم کسی اپنی پریشانی سے خوش ہوتے ہیں
مختلف ہوتے ہیں خوشیوں کے وسائل سب کے
جیسے ہم آپ کی پیشانی سے خوش ہوتے ہیں
دے کوئی جھوٹی تسلی یا دلاسہ مجھ کو
میرے جیسے بڑی آسانی سے خوش ہوتے
ہیں
Had se badh kar ho to veerani se khush hote hain
Had se badh kar ho to veerani se khush hote hain
Hum kisi shai ki farawani se khush hote hain
Ek tu hai jise achhe se samajh kar khush hain
Warna hum log to hairani se khush hote hain
Jab bhi hum log hansein hum ko dilasa dena
Hum kisi apni pareshani se khush hote hain
Mukhtalif hote hain khushiyon ke wasail sab ke
Jaise hum aap ki peshani se khush hote hain
De koi jhooti tasalli ya dilasa mujh ko
Mere jaise badi aasani se khush hote hain
Hain