بے گھری ساتھ ہی ہوتی ہے جدھر جاتے ہیں — دانش نقوی
شاعر
بے گھری ساتھ ہی ہوتی ہے جدھر جاتے ہیں
بے گھری ساتھ ہی ہوتی ہے جدھر جاتے ہیں
یعنی ہم گھر سے بھی چلتے ہیں تو گھر جاتے ہیں
تم بھی رستے سے کہیں لوٹ کے مت آجانا
اس جگہ لوگ صدا دے کے مکر جاتے ہیں
یہ میرا حوصلہ ہے مر کے بھی زندہ ہوں ابھی
ورنہ کچھ لوگ تو جیتے ہوئے مر جاتے ہیں
ہائے وہ لوگ سہولت ہے جنہیں چھونے کی
ہم تیرا نام بھی لیتے ہوئے ڈر جاتے ہیں
یار تو میرے لیے کتنا لڑے گا سب سے
میں تو کہتا ہوں محبت سے مکر جاتے ہیں
یہ جو میں رک کے تجھے دیکھتا ہوں،چلتا ہوں
جن کو جانا ہو وہ چپ چاپ گزر جاتے ہیں
Be-ghari saath hi hoti hai jidhar jaate hain
Be-ghari saath hi hoti hai jidhar jaate hain
Yaani hum ghar se bhi chalte hain to ghar jaate hain
Tum bhi raste se kahin laut ke mat aajana
Is jagah log sada de ke mukar jaate hain
Yeh mera hausla hai mar ke bhi zinda hoon abhi
Warna kuchh log to jeete hue mar jaate hain
Haaye woh log sahoolat hai jinhein chhoone ki
Hum tera naam bhi lete hue dar jaate hain
Yaar tu mere liye kitna lade ga sab se
Main to kehta hoon mohabbat se mukar jaate hain
Ye jo main ruk ke tujhe dekhta hoon, chalta hoon
Jin ko jaana ho woh chup chap guzar jaate hain