جب اس کی آنکھ نے ہر سمت روشنی کی تھی — دانش نقوی
شاعر
جب اس کی آنکھ نے ہر سمت روشنی کی تھی
جب اس کی آنکھ نے ہر سمت روشنی کی تھی
تو پہلی بار چراغوں نے تیرگی کی تھی
میں چاہتا تھا میرا اختتام ہو تجھ پر
سو تیرے ساتھ محبت بھی آخری کی تھی
یقین کر کہ وہ چہروں کے جیسا چہرہ نہ تھا
بنانے والے نے رنگوں سے شاعری کی تھی
ذرا خیال سے رہنا کہ پچھلی باری بھی
ہمارے اپنے ہی ساتھی نے مخبری کی تھی
بس اب تو اپنی کمر پر ہیں پہلے ہاتھوں میں
کبھی کسی کی کمر تھی کبھی کسی کی تھی
یقین کر کہ مجھے کوئ بھی ملال نہ تھا
میں رو رہا تھا مگر کیفیت ہنسی کی تھی
Jab us ki aankh ne har simt roshni ki thi
Jab us ki aankh ne har simt roshni ki thi
To pehli baar charaghon ne tareeki ki thi
Main chahta tha mera ikhtitam ho tujh par
So tere saath mohabbat bhi aakhiri ki thi
Yaqeen kar ke woh chehron ke jaisa chehra na tha
Banane wale ne rangon se shayari ki thi
Zara khayal se rehna ke pichhli baari bhi
Hamare apne hi saathi ne mukhbari ki thi
Bas ab to apni kamar par hain pehle haathon mein
Kabhi kisi ki kamar thi kabhi kisi ki thi
Yaqeen kar ke mujhe koi bhi malaal na tha
Main ro raha tha magar kaifiyat hansi ki thi