جہاں سے تجھ کو روانہ کیا تھا، کہتے ہیں — دانش نقوی
شاعر
جہاں سے تجھ کو روانہ کیا تھا، کہتے ہیں
جہاں سے تجھ کو روانہ کیا تھا، کہتے ہیں
وہاں پہ بارشیں ہوں تو دیے نکلتے ہیں
بتا وہ لوگ بھلا کیسے توڑ دیں گے تجھے
جو تجھ کو ہاتھ لگاتے ہوئے بھی ڈرتے ہیں
ذرا سے وقت میں رشتے نہیں بنا کرتے
یہ کاروبار بڑی محنتوں سے چلتے ہیں
کسی بھی رت کو نہیں دیکھا ہم نے جی بھر کے
تمہارے شہر کے موسم بہت بدلتے ہیں
ذرا سی چاپ سے یکسوئی ٹوٹ جاتی ہے
گلی سے لوگ گزرتے ہیں ہم تڑپتے ہیں
Jahan se tujh ko rawana kiya tha, kehte hain
Jahan se tujh ko rawana kiya tha, kehte hain
Wahan pe barishein hon toh diye nikalte hain
Bata woh log bhala kaise tod denge tujhe
Jo tujh ko haath lagate hue bhi darte hain
Zara se waqt mein rishte nahin bana karte
Yeh karobar badi mehnaton se chalte hain
Kisi bhi rut ko nahin dekha hum ne jee bhar ke
Tumhare shahar ke mausam bohot badalte hain
Zara si chaap se yaksooi toot jaati hai
Gali se log guzarte hain hum tadapte hain