کسی کو اپنی، کسی کو اپنی، کسی کو اپنی پڑی ہوئی ہے — دانش نقوی
شاعر
کسی کو اپنی، کسی کو اپنی، کسی کو اپنی پڑی ہوئی ہے
کسی کو اپنی، کسی کو اپنی، کسی کو اپنی پڑی ہوئی ہے
ہمیں تو لے دے کے ساری دنیا میں صرف تیری پڑی ہوئی ہے
ہم اپنے بارے میں سب سوالات اور لوگوں سے پوچھتے ہیں
ہمارے ہاتھوں سے زندگی کی کتاب اونچی پڑی ہوئی ہے
وہ غیر لوگوں کی غیر دھرتی پہ پاؤں کے نقش گاڑھتا ہے
ادھر ہمارے "چناب" کی ریت اب بھی سونی پڑی ہوئی ہے
بہت پریشاں ہوں اتنی عجلت میں ٹھیک چہرہ نہیں بنے گا
میں خود کو ترتیب دے رہا ہوں اور اس کو جلدی پڑی ہوئی ہے
یہ اس کی مرضی ہے جس کو دیکھے مگر مساوات سے تو دیکھے
کسی کی رنگت دہک رہی ہے کسی کی پھیکی پڑی ہوئی ہے
Kisi ko apni, kisi ko apni, kisi ko apni padi hui hai
Kisi ko apni, kisi ko apni, kisi ko apni padi hui hai
Humein to le de ke saari duniya mein sirf teri padi hui hai
Hum apne baare mein sab sawalat aur logon se poochhte hain
Hamare haathon se zindagi ki kitab oonchi padi hui hai
Woh ghair logon ki ghair dharti pe paaon ke naqsh gaadhta hai
Idhar hamare "Chenab" ki reit ab bhi sooni padi hui hai
Bahut pareshan hoon itni ujlat mein theek chehra nahin banega
Main khud ko tarteeb de raha hoon aur us ko jaldi padi hui hai
Ye us ki marzi hai jis ko dekhe magar masawaat se to dekhe
Kisi ki rangat dehak rahi hai kisi ki pheeki padi hui hai