کوئی تصور ہے اور نہ تصویر٬ صرف رنگوں میں بٹ رہی ہے — دانش نقوی
شاعر
کوئی تصور ہے اور نہ تصویر٬ صرف رنگوں میں بٹ رہی ہے
کوئی تصور ہے اور نہ تصویر٬ صرف رنگوں میں بٹ رہی ہے
اس آئینے کے بدن سے ٹکرا کے روشنی ہی پلٹ رہی ہے
میرے قبیلے کے تاجروں کی نئے قبیلوں سے دوستی تھی
پھر ایک دن یہ پتہ چلا کہ ہماری تعداد گھٹ رہی ہے
کسی کے جانے سے ہر کسی کو ہمیشہ نقصان ہی ہوا ہے
ہمیں بس اک فائدہ ہوا ہے کہ عمر اچھے سے "کٹ" رہی ہے
تمہیں تو بالکل پتہ نہیں ہے نہ فاصلوں کا نہ قربتوں کا
یہ بیل اپنے قریب والے شجر سے کیسے لپٹ رہی ہے
کسے بتائیں کہ اس تبرک کی ہم کو کتنی ضرورتیں ہیں
ہمیں سماعت کا مسئلہ ہے اور اسکی آواز بٹ رہی ہے
وہ جاتے جاتے کسی بھی کھڑکی سے جھانک لیتا تو کچھ نہ ہوتا
اب اس مکاں کے کواڑ کھولو وگرنہ دیوار پھٹ رہی ہے
Koi tasawwur hai aur na tasveer, sirf rangon mein bat rahi hai
Koi tasawwur hai aur na tasveer, sirf rangon mein bat rahi hai
Is aaine ke badan se takra ke roshni hi palat rahi hai
Mere qabile ke taajiron ki naye qabilon se dosti thi
Phir ek din yeh pata chala ki hamari ta'adad ghat rahi hai
Kisi ke jaane se har kisi ko hamesha nuqsan hi hua hai
Hamein bas ik faayda hua hai ki umar acche se "kat" rahi hai
Tumhein to bilkul pata nahin hai na faaslon ka na qurbaton ka
Yeh bel apne qareeb wale shajar se kaise lipat rahi hai
Kise bataein ki is tabarruk ki humko kitni zarooratein hain
Hamein sama'at ka mas'ala hai aur uski aawaz bat rahi hai
Woh jaate jaate kisi bhi khidki se jhaank leta to kuch na hota
Ab is makan ke kawaad kholo wagarna deewar phat rahi hai