ماحول مناسب ہو تو اوپر نہیں جاتے — دانش نقوی
شاعر
ماحول مناسب ہو تو اوپر نہیں جاتے
ماحول مناسب ہو تو اوپر نہیں جاتے
ہم تازہ گھٹن چھوڑ کے چھت پر نہیں جاتے
دیکھو مجھے اب میری جگہ سے نہ ہلانا
پھر تم مجھے ترتیب سے رکھ کر نہیں جاتے
بدنام ہیں صدیوں سے ہی کانٹوں کی وجہ سے
عادت سے مگر آج بھی کیکر نہیں جاتے
جس دن سے شکاری نے ادا کی کوئی منت
دربار پہ اس دن سے کبوتر نہیں جاتے
سو تم مجھے حیرت زدہ آنکھوں سے نہ دیکھو
کچھ لوگ سنبھل جاتے ہیں سب مر نہیں جاتے
Mahol munasib ho to oopar nahin jaate
Mahol munasib ho to oopar nahin jaate
Hum taaza ghutan chhod ke chhat par nahin jaate
Dekho mujhe ab meri jagah se na hilana
Phir tum mujhe tarteeb se rakh kar nahin jaate
Badnaam hain sadiyon se hi kaanton ki wajah se
Aadat se magar aaj bhi kikar nahin jaate
Jis din se shikari ne ada ki koi mannat
Darbar pe us din se kabootar nahin jaate
So tum mujhe hairat zada aankhon se na dekho
Kuchh log sanbhal jaate hain sab mar nahin jaate