میں ایک رات ہوا اس قدر خفا خود سے — دانش نقوی
شاعر
میں ایک رات ہوا اس قدر خفا خود سے
میں ایک رات ہوا اس قدر خفا خود سے
پلٹ کے بھی نہیں دیکھا چلا گیا خود سے
بس التجائیہ نظروں سے دیکھ لیتا ہوں
میں آج تک کبھی سینے نہیں لگا خود سے
فصیل جسم پہ اٹکا ہوا تھا میں کل شب
کسی نے ہاتھ لگایا تو گر پڑا خود سے
کسی کے کہنے پہ شاید یہ کائنات بنی
یہ کام لگتا نہیں ہے کیا ہوا خود سے
جلانے پڑتے ہیں پہلے سبھی گھروں میں چراغ
ہمارے شہر میں چلتی نہیں ہوا خود سے
Mai ek raat hua is qadar khafa khud se
Mai ek raat hua is qadar khafa khud se
Palt ke bhi nahin dekha chala gaya khud se
Bas iltijaaiya nazron se dekh leta hun
Mai aaj tak kabhi seene nahin laga khud se
Faseel jism pe atka hua tha main kal shab
Kisi ne haath lagaya toh gir pada khud se
Kisi ke kehne pe shayad yeh kainat bani
Yeh kaam lagta nahin hai kiya hua khud se
Jalane padte hain pehle sabhi gharon mein chiragh
Humare shahar mein chalti nahin hawa khud se