قہقہ ضبط کا معیار بنا رکھا ہے — دانش نقوی
شاعر
قہقہ ضبط کا معیار بنا رکھا ہے
قہقہ ضبط کا معیار بنا رکھا ہے
مجھ کو لوگوں نے اداکار بنا رکھا ہے
تم جسے زنگ زدہ چھوڑ گئے تھے مجھ میں
میں نے اس لوہے کو تلوار بنا رکھا ہے
جتنی آہستہ چلے مجھ سے گزر جاتی ہے
مجھ کو زخموں نے ہوادار بنا رکھا ہے
اک تو بیزار ہوں لفظوں کے کسیلے پن سے
اس پہ لہجے کو نمکدار بنا رکھا ہے
مجھ سے ملتے ہیں کئی میری شعاؤں والے
تو نے کتنوں کو چمکدار بنا رکھا ہے
فتح کرنے کو مجھے باتوں میں اس نے دانش
کیسے کیسوں کو طرفدار بنا رکھا ہے
Qahqaha zabt ka miyaar bana rakha hai
Qahqaha zabt ka miyaar bana rakha hai
Mujh ko logon ne adakaar bana rakha hai
Tum jise zang zada chhod gaye the mujh mein
Main ne us lohe ko talwaar bana rakha hai
Jitni aahista chale mujh se guzar jaati hai
Mujh ko zakhmon ne hawadaar bana rakha hai
Ek to bezaar hoon lafzon ke kaseele pan se
Is pe lehje ko namakdaar bana rakha hai
Mujh se milte hain kayi meri shuaaen wale
Tu ne kitnon ko chamakdaar bana rakha hai
Fatah karne ko mujhe baaton mein us ne Danish
Kaise kaison ko tarafdaar bana rakha hai