سب لوگ کہانی میں ہی مصروف رہے تھے — دانش نقوی
شاعر
سب لوگ کہانی میں ہی مصروف رہے تھے
سب لوگ کہانی میں ہی مصروف رہے تھے
دراصل اداکار حقیقت میں مرے تھے
جاتے ہوئے کمرے کی کسی چیز کو چھو دے
میں یاد کروں گا کہ ترے ہاتھ لگے تھے
آنکھیں بھی تری فتح نہ کر پائے ابھی تک
کس لمحۂ بیکار میں ہم لوگ بنے تھے
ہم یوں ہی کسی بات کو دل پر نہیں لیتے
نقصان زیادہ تھے سو گھبرائے ہوئے تھے
اتنا ہی بتا سکتا ہوں احباب کے بارے
کچھ تیر مری پشت کی جانب سے چلے تھے
میں نے تو کہا تھا کہ نکل جاتے ہیں دونوں
اس وقت کہانی میں سبھی لوگ نئے تھے
Sab log kahani mein hi masroof rahe the
Sab log kahani mein hi masroof rahe the
Darasal adakar haqeeqat mein mare the
Jaate hue kamre ki kisi cheez ko chhoo de
Main yaad karunga ke tere haath lage the
Aankhen bhi teri fath na kar paaye abhi tak
Kis lamhe bekaar mein hum log bane the
Hum yoon hi kisi baat ko dil par nahin lete
Nuqsan zyada the so ghabraaye hue the
Itna hi bata sakta hoon ahbab ke baare
Kuchh teer meri pusht ki jaanib se chale the
Maine to kaha tha ke nikal jaate hain donon
Is waqt kahani mein sabhi log naye the