وہ کتنی دیر کھڑا سوچتا رہا مجھ کو — دانش نقوی
شاعر
وہ کتنی دیر کھڑا سوچتا رہا مجھ کو
وہ کتنی دیر کھڑا سوچتا رہا مجھ کو
گلے لگا تو پتہ بھی نہیں چلا مجھ کو
نہ جانے میں تیرے پہلو میں کیسے بیٹھ گیا
مری جگہ ہی نہیں ہے ابھی اٹھا مجھ کو
ترے خیال سے بڑھ کر ہے خالی پن میرا
کہاں کہاں سے بھرے گا ترا خلا مجھ کو
وہ میرے سامنے توہین کر گیا میری
اور اس پہ یہ کہ برا بھی نہیں لگا مجھ کو
میں پہلی بار ہوں زیر مطالعہ دانشؔ
ابھی کہیں پہ نشاں تک نہیں لگا مجھ کو
Woh kitni der khada sochta raha mujh ko
Woh kitni der khada sochta raha mujh ko
Gale laga to pata bhi nahin chala mujh ko
Na jaane main tere pehlu mein kaise baith gaya
Meri jagah hi nahin hai abhi utha mujh ko
Tere khayal se badh kar hai khaali-pan mera
Kahan kahan se bharega tera khala mujh ko
Woh mere saamne tauheen kar gaya meri
Aur is pe yeh ke bura bhi nahin laga mujh ko
Main pehli baar hoon zer-e-mutala'a Danish!
Abhi kahin pe nishan tak nahin laga mujh ko