یوں بھی آنکھوں میں کسی خواب کا ریشہ نہ بنے — دانش نقوی
شاعر
یوں بھی آنکھوں میں کسی خواب کا ریشہ نہ بنے
یوں بھی آنکھوں میں کسی خواب کا ریشہ نہ بنے
کوئی پہچان نہ ہو ٹھیک سے چہرہ نہ بنے
ایسی تصویر بنا روتے ہوئے خوش بھی لگوں
غم کی ترسیل تو ہو غم کا تماشہ نہ بنے
مستحق ہوں تو کسی اور سے تصدیق بھی کر
مجھ کو مت دینا اگر میرا دلاسہ نہ بنے
جتنا پختہ بھی ہو دل جسم سے باہر رکھنا
تاکہ ٹوٹے بھی تو پھر سینے میں ملبہ نہ بنے
بس اسی شرط پہ کوئی بھی رہے آنکھوں میں
نیند کی سمت کسی خواب کا رستہ نہ بنے
جو بھی رشتہ ہو فقط میرا ہو تجھ سے دانشؔ
اور تو اور ترا مجھ سے بھی رشتہ نہ بنے
Yoon bhi aankhon mein kisi khwab ka resha na bane
Yoon bhi aankhon mein kisi khwab ka resha na bane
Koi pehchan na ho theek se chehra na bane
Aisi tasveer bana rote hue khush bhi lagoon
Gham ki tarseel to ho gham ka tamasha na bane
Mustahiq hoon to kisi aur se tasdeeq bhi kar
Mujh ko mat dena agar mera dilasa na bane
Jitna pukhta bhi ho dil jism se bahar rakhna
Taake toote bhi to phir seene mein malba na bane
Bas isi shart pe koi bhi rahe aankhon mein
Neend ki simt kisi khwab ka rasta na bane
Jo bhi rishta ho faqat mera ho tujh se Danish!
Aur tu aur tera mujh se bhi rishta na bane