بات بس سے نکل چلی ہے — فیض احمد فیض
شاعر
بات بس سے نکل چلی ہے
بات بس سے نکل چلی ہے
دل کی حالت سنبھل چلی ہے
اب جنوں حد سے بڑھ چلا ہے
اب طبیعت بہل چلی ہے
اشک خوناب ہو چلے ہیں
غم کی رنگت بدل چلی ہے
یا یوں ہی بجھ رہی ہیں شمعیں
یا شب ہجر ٹل چلی ہے
لاکھ پیغام ہو گئے ہیں
جب صبا ایک پل چلی ہے
جاؤ اب سو رہو ستارو
درد کی رات ڈھل چلی ہے
Baat bas se nikal chali hai
Baat bas se nikal chali hai
Dil ki haalat sambhal chali hai
Ab junoon had se barh chala hai
Ab tabiyat behal chali hai
Ashk khoonab ho chale hain
Gham ki rangat badal chali hai
Ya yun hi bujh rahi hain shama'ein
Ya shab-e-hijr tal chali hai
Laakh paigham ho gaye hain
Jab saba ek pal chali hai
Jaao ab so raho sitaro
Dard ki raat dhal chali hai