وہ بتوں نے ڈالے ہیں وسوسے کہ دلوں سے خوف خدا گیا — فیض احمد فیض
شاعر
وہ بتوں نے ڈالے ہیں وسوسے کہ دلوں سے خوف خدا گیا
وہ بتوں نے ڈالے ہیں وسوسے کہ دلوں سے خوف خدا گیا
وہ پڑی ہیں روز قیامتیں کہ خیال روز جزا گیا
جو نفس تھا خار گلو بنا جو اٹھے تھے ہاتھ لہو ہوئے
وہ نشاط آہ سحر گئی وہ وقار دست دعا گیا
نہ وہ رنگ فصل بہار کا نہ روش وہ ابر بہار کی
جس ادا سے یار تھے آشنا وہ مزاج باد صبا گیا
جو طلب پہ عہد وفا کیا تو وہ آبروئے وفا گئی
سر عام جب ہوئے مدعی تو ثواب صدق و صفا گیا
ابھی بادبان کو تہ رکھو ابھی مضطرب ہے رخ ہوا
کسی راستے میں ہے منتظر وہ سکوں جو آ کے چلا گیا
Woh Buton Ne Dale Hain Waswase Ke Dilon Se Khauf-e-Khuda Gaya
Woh buton ne dale hain waswase ke dilon se khauf-e-khuda gaya
Woh padi hain roz qayamatain ke khayal-e-roz-e-jaza gaya
Jo nafas tha khar-e-guloo bana jo uthe the haath lahoo hue
Woh nishat-e-aah-e-sahar gayi woh waqar-e-dast-e-dua gaya
Na woh rang-e-fasl-e-bahar ka na rawish woh abr-e-bahar ki
Jis ada se yar the aashna woh mizaj-e-bad-e-saba gaya
Jo talab pe ahd-e-wafa kiya to woh abroo-e-wafa gayi
Sar-e-aam jab hue mudda'i to sawab-e-sidq-o-safa gaya
Abhi baadbaan ko teh rakho abhi muztarib hai rukh-e-hawa
Kisi raaste mein hai muntazir woh sukoon jo aa ke chala gaya