دل میں اب یوں ترے بھولے ہوئے غم آتے ہیں — فیض احمد فیض
شاعر
دل میں اب یوں ترے بھولے ہوئے غم آتے ہیں
دل میں اب یوں ترے بھولے ہوئے غم آتے ہیں
جیسے بچھڑے ہوئے کعبہ میں صنم آتے ہیں
ایک اک کر کے ہوئے جاتے ہیں تارے روشن
میری منزل کی طرف تیرے قدم آتے ہیں
رقص مے تیز کرو ساز کی لے تیز کرو
سوئے مے خانہ سفیران حرم آتے ہیں
کچھ ہمیں کو نہیں احسان اٹھانے کا دماغ
وہ تو جب آتے ہیں مائل بہ کرم آتے ہیں
اور کچھ دیر نہ گزرے شب فرقت سے کہو
دل بھی کم دکھتا ہے وہ یاد بھی کم آتے ہیں
Dil mein ab yun tere bhoole hue gham aate hain
Dil mein ab yun tere bhoole hue gham aate hain
Jaise bichhre hue Ka'aba mein sanam aate hain
Ek ek kar ke hue jaate hain taare roshan
Meri manzil ki taraf tere qadam aate hain
Raqs-e-may tez karo saaz ki lay tez karo
Sue-e-may-khana safeeran-e-haram aate hain
Kuch hamein ko nahin ehsaan uthane ka dimagh
Woh to jab aate hain mail ba karam aate hain
Aur kuch der na guzre shab-e-furqat se kaho
Dil bhi kam dukhta hai woh yaad bhi kam aate hain