گلوں میں رنگ بھرے باد نوبہار چلے — فیض احمد فیض
شاعر
گلوں میں رنگ بھرے باد نوبہار چلے
گلوں میں رنگ بھرے باد نوبہار چلے
چلے بھی آؤ کہ گلشن کا کاروبار چلے
قفس اداس ہے یارو صبا سے کچھ تو کہو
کہیں تو بہر خدا آج ذکر یار چلے
کبھی تو صبح ترے کنج لب سے ہو آغاز
کبھی تو شب سر کاکل سے مشکبار چلے
بڑا ہے درد کا رشتہ یہ دل غریب سہی
تمہارے نام پہ آئیں گے غم گسار چلے
جو ہم پہ گزری سو گزری مگر شب ہجراں
ہمارے اشک تری عاقبت سنوار چلے
حضور یار ہوئی دفتر جنوں کی طلب
گرہ میں لے کے گریباں کا تار تار چلے
مقام فیضؔ کوئی راہ میں جچا ہی نہیں
جو کوئے یار سے نکلے تو سوئے دار چلے
Gulon mein rang bhare baad-e-nau bahar chale
Gulon mein rang bhare baad-e-nau bahar chale
Chale bhi aao ke gulshan ka karobar chale
Qafas udaas hai yaaro saba se kuch to kaho
Kahin to behar-e-khuda aaj zikr-e-yaar chale
Kabhi to subh tere kunj-e-lab se ho aaghaz
Kabhi to shab sar-e-kakul se mushk-baar chale
Bada hai dard ka rishta yeh dil ghareeb sahi
Tumhare naam pe aayenge ghamgusar chale
Jo hum pe guzri so guzri magar shab-e-hijraan
Hamare ashk teri aaqibat sanwaar chale
Huzoor-e-yaar hui daftar-e-junoon ki talab
Girah mein le ke gireban ka taar taar chale
Maqam-e-Faiz! koi rah mein jacha hi nahin
Jo koo-e-yaar se nikle to sue-e-daar chale