ہم مسافر یوں ہی مصروف سفر جائیں گے — فیض احمد فیض
شاعر
ہم مسافر یوں ہی مصروف سفر جائیں گے
ہم مسافر یوں ہی مصروف سفر جائیں گے
بے نشاں ہو گئے جب شہر تو گھر جائیں گے
کس قدر ہوگا یہاں مہر و وفا کا ماتم
ہم تری یاد سے جس روز اتر جائیں گے
جوہری بند کئے جاتے ہیں بازار سخن
ہم کسے بیچنے الماس و گہر جائیں گے
نعمت زیست کا یہ قرض چکے گا کیسے
لاکھ گھبرا کے یہ کہتے رہیں مر جائیں گے
شاید اپنا بھی کوئی بیت حدی خواں بن کر
ساتھ جائے گا مرے یار جدھر جائیں گے
فیضؔ آتے ہیں رہ عشق میں جو سخت مقام
آنے والوں سے کہو ہم تو گزر جائیں گے
Hum musafir yun hi masroof-e-safar jaayenge
Hum musafir yun hi masroof-e-safar jaayenge
Be-nishan ho gaye jab shahar to ghar jaayenge
Kis qadar hoga yahan mehr-o-wafa ka maatam
Hum teri yaad se jis roz utar jaayenge
Jauhari band kiye jaate hain bazar-e-sukhan
Hum kise bechne almaas-o-gohar jaayenge
Nemat-e-zeest ka yeh qarz chukega kaise
Laakh ghabra ke yeh kehte rahein mar jaayenge
Shayad apna bhi koi bait hadi-khwaan ban kar
Saath jaayega mere yaar jidhar jaayenge
Faiz! aate hain rah-e-ishq mein jo sakht maqam
Aane walon se kaho hum to guzar jaayenge