ہمیں سے اپنی نوا ہم کلام ہوتی رہی — فیض احمد فیض
شاعر
ہمیں سے اپنی نوا ہم کلام ہوتی رہی
ہمیں سے اپنی نوا ہم کلام ہوتی رہی
یہ تیغ اپنے لہو میں نیام ہوتی رہی
مقابل صف اعدا جسے کیا آغاز
وہ جنگ اپنے ہی دل میں تمام ہوتی رہی
کوئی مسیحا نہ ایفائے عہد کو پہنچا
بہت تلاش پس قتل عام ہوتی رہی
یہ برہمن کا کرم وہ عطائے شیخ حرم
کبھی حیات کبھی مے حرام ہوتی رہی
جو کچھ بھی بن نہ پڑا فیضؔ لٹ کے یاروں سے
تو رہزنوں سے دعا و سلام ہوتی رہی
Humein se apni nawa hum-kalaam hoti rahi
Humein se apni nawa hum-kalaam hoti rahi
Yeh tegh apne lahoo mein niyaam hoti rahi
Muqabil-e-saf-e-aada jise kiya aaghaz
Woh jang apne hi dil mein tamaam hoti rahi
Koi maseeha na eefa-e-ahad ko pohncha
Bohat talash pas qatl-e-aam hoti rahi
Yeh brahman ka karam woh ata-e-Shaikh-e-Haram
Kabhi hayat kabhi may haraam hoti rahi
Jo kuch bhi ban na paRa Faiz! lut ke yaaron se
To rahzan'on se dua-o-salaam hoti rahi