کب تک دل کی خیر منائیں کب تک رہ دکھلاؤ گے — فیض احمد فیض
شاعر
کب تک دل کی خیر منائیں کب تک رہ دکھلاؤ گے
کب تک دل کی خیر منائیں کب تک رہ دکھلاؤ گے
کب تک چین کی مہلت دو گے کب تک یاد نہ آؤ گے
بیتا دید امید کا موسم خاک اڑتی ہے آنکھوں میں
کب بھیجو گے درد کا بادل کب برکھا برساؤ گے
عہد وفا یا ترک محبت جو چاہو سو آپ کرو
اپنے بس کی بات ہی کیا ہے ہم سے کیا منواؤ گے
کس نے وصل کا سورج دیکھا کس پر ہجر کی رات ڈھلی
گیسوؤں والے کون تھے کیا تھے ان کو کیا جتلاؤ گے
فیضؔ دلوں کے بھاگ میں ہے گھر بھرنا بھی لٹ جانا تھی
تم اس حسن کے لطف و کرم پر کتنے دن اتراؤ گے
Kab tak dil ki khair manayen kab tak rah dikhlao ge
Kab tak dil ki khair manayen kab tak rah dikhlao ge
Kab tak chain ki mohlat do ge kab tak yaad na aao ge
Beeta deed-e-umeed ka mausam khaak udti hai aankhon mein
Kab bhejoge dard ka baadal kab barkha barsao ge
Ahd-e-wafa ya tark-e-mohabbat jo chaho so aap karo
Apne bas ki baat hi kya hai hum se kya manwao ge
Kis ne vasl ka suraj dekha kis par hijr ki raat dhali
Gesuon wale kaun the kya the un ko kya jitlao ge
Faiz! dilon ke bhag mein hai ghar bharna bhi lut jaana thi
Tum is husn ke lutf-o-karam par kitne din itrao ge