کچھ محتسبوں کی خلوت میں کچھ واعظ کے گھر جاتی ہے — فیض احمد فیض
شاعر
کچھ محتسبوں کی خلوت میں کچھ واعظ کے گھر جاتی ہے
کچھ محتسبوں کی خلوت میں کچھ واعظ کے گھر جاتی ہے
ہم بادہ کشوں کے حصے کی اب جام میں کم تر جاتی ہے
یوں عرض و طلب سے کم اے دل پتھر دل پانی ہوتے ہیں
تم لاکھ رضا کی خو ڈالو کب خوئے ستم گر جاتی ہے
بیداد گروں کی بستی ہے یاں داد کہاں خیرات کہاں
سر پھوڑتی پھرتی ہے ناداں فریاد جو در در جاتی ہے
ہاں جاں کے زیاں کی ہم کو بھی تشویش ہے لیکن کیا کیجے
ہر رہ جو ادھر کو جاتی ہے مقتل سے گزر کر جاتی ہے
اب کوچۂ دلبر کا رہ رو رہزن بھی بنے تو بات بنے
پہرے سے عدو ٹلتے ہی نہیں اور رات برابر جاتی ہے
ہم اہل قفس تنہا بھی نہیں ہر روز نسیم صبح وطن
یادوں سے معطر آتی ہے اشکوں سے منور جاتی ہے
Kuch muhtasibon ki khalwat mein kuch waiz ke ghar jaati hai
Kuch muhtasibon ki khalwat mein kuch waiz ke ghar jaati hai
Hum baadah-kashon ke hisse ki ab jaam mein kamtar jaati hai
Yun arz-o-talab se kam aye dil patthar dil paani hote hain
Tum laakh raza ki kho daalo kab khoo-e-sitamgar jaati hai
Bedaadgaron ki basti hai yaan daad kahan khairaat kahan
Sar phoRti phirti hai nadaan faryaad jo dar dar jaati hai
Haan jaan ke ziyaan ki hum ko bhi tashveesh hai lekin kya keejiye
Har rah jo idhar ko jaati hai maqtal se guzar kar jaati hai
Ab koocha-e-dilbar ka rah-rau rahzan bhi bane to baat bane
Pahre se adoo talte hi nahin aur raat barabar jaati hai
Hum ahl-e-qafas tanha bhi nahin har roz naseem-e-subh-e-watan
Yaadon se muattar aati hai ashk'on se munawwar jaati hai