نہ اب رقیب نہ ناصح نہ غم گسار کوئی — فیض احمد فیض
شاعر
نہ اب رقیب نہ ناصح نہ غم گسار کوئی
نہ اب رقیب نہ ناصح نہ غم گسار کوئی
تم آشنا تھے تو تھیں آشنائیاں کیا کیا
جدا تھے ہم تو میسر تھیں قربتیں کتنی
بہم ہوئے تو پڑی ہیں جدائیاں کیا کیا
پہنچ کے در پہ ترے کتنے معتبر ٹھہرے
اگرچہ رہ میں ہوئیں جگ ہنسائیاں کیا کیا
ہم ایسے سادہ دلوں کی نیاز مندی سے
بتوں نے کی ہیں جہاں میں خدائیاں کیا کیا
ستم پہ خوش کبھی لطف و کرم سے رنجیدہ
سکھائیں تم نے ہمیں کج ادائیاں کیا کیا
Na ab raqeeb na naseh na ghamgusar koi
Na ab raqeeb na naseh na ghamgusar koi
Tum aashna the to thhi aashnayiyan kya kya
Juda the hum to muyassar thhi qurbatein kitni
Baham hue to paRi hain judayiyan kya kya
Pohanch ke dar pe tere kitne mo'atabar thehre
Agarchah rah mein huin jag hansayiyan kya kya
Hum aise saada dilon ki niyazmandi se
Buton ne ki hain jahan mein khudayiyan kya kya
Sitam pe khush kabhi lutf-o-karam se ranjeeda
Sikhayeen tum ne hamein kaj-adayiyan kya kya