نہ گنواؤ ناوک نیم کش دل ریزہ ریزہ گنوا دیا — فیض احمد فیض
شاعر
نہ گنواؤ ناوک نیم کش دل ریزہ ریزہ گنوا دیا
نہ گنواؤ ناوک نیم کش دل ریزہ ریزہ گنوا دیا
جو بچے ہیں سنگ سمیٹ لو تن داغ داغ لٹا دیا
مرے چارہ گر کو نوید ہو صف دشمناں کو خبر کرو
جو وہ قرض رکھتے تھے جان پر وہ حساب آج چکا دیا
کرو کج جبیں پہ سر کفن مرے قاتلوں کو گماں نہ ہو
کہ غرور عشق کا بانکپن پس مرگ ہم نے بھلا دیا
ادھر ایک حرف کہ کشتنی یہاں لاکھ عذر تھا گفتنی
جو کہا تو سن کے اڑا دیا جو لکھا تو پڑھ کے مٹا دیا
جو رکے تو کوہ گراں تھے ہم جو چلے تو جاں سے گزر گئے
رہ یار ہم نے قدم قدم تجھے یادگار بنا دیا
Na ganwao nawak-e-neem-kash dil reza reza ganwa diya
Na ganwao nawak-e-neem-kash dil reza reza ganwa diya
Jo bache hain sang sameit lo tan dagh dagh luta diya
Mere chara-gar ko naveed ho saf-e-dushmanan ko khabar karo
Jo woh qarz rakhte the jaan par woh hisab aaj chuka diya
Karo kaj jabeen pe sar-e-kafan mere qatilon ko gumaan na ho
Ke ghuroor-e-ishq ka bankpan pas-e-marg hum ne bhula diya
Udhar ek harf ke kushtani yahan laakh uzr tha guftani
Jo kaha to sun ke uda diya jo likha to paRh ke miTa diya
Jo ruke to koh-e-giran the hum jo chale to jaan se guzar gaye
Rah-e-yaar hum ne qadam qadam tujhe yaadgar bana diya