نہیں نگاہ میں منزل تو جستجو ہی سہی — فیض احمد فیض
شاعر
نہیں نگاہ میں منزل تو جستجو ہی سہی
نہیں نگاہ میں منزل تو جستجو ہی سہی
نہیں وصال میسر تو آرزو ہی سہی
نہ تن میں خون فراہم نہ اشک آنکھوں میں
نماز شوق تو واجب ہے بے وضو ہی سہی
کسی طرح تو جمے بزم مے کدے والو
نہیں جو بادہ و ساغر تو ہاؤ ہو ہی سہی
گر انتظار کٹھن ہے تو جب تلک اے دل
کسی کے وعدۂ فردا کی گفتگو ہی سہی
دیار غیر میں محرم اگر نہیں کوئی
تو فیضؔ ذکر وطن اپنے روبرو ہی سہی
Nahin nigah mein manzil to justuju hi sahi
Nahin nigah mein manzil to justuju hi sahi
Nahin visal muyassar to aarzoo hi sahi
Na tan mein khoon faraham na ashk aankhon mein
Namaz-e-shauq to wajib hai be-wazu hi sahi
Kisi tarah to jame bazm-e-maykade walo
Nahin jo baadah-o-saghar to hao-hoo hi sahi
Gar intezar kaThin hai to jab talak aye dil
Kisi ke va'ada-e-farda ki guftugu hi sahi
Diyar-e-ghair mein mehram agar nahin koi
To Faiz! zikr-e-watan apne rubaru hi sahi