نصیب آزمانے کے دن آ رہے ہیں — فیض احمد فیض
شاعر
نصیب آزمانے کے دن آ رہے ہیں
نصیب آزمانے کے دن آ رہے ہیں
قریب ان کے آنے کے دن آ رہے ہیں
جو دل سے کہا ہے جو دل سے سنا ہے
سب ان کو سنانے کے دن آ رہے ہیں
ابھی سے دل و جاں سر راہ رکھ دو
کہ لٹنے لٹانے کے دن آ رہے ہیں
ٹپکنے لگی ان نگاہوں سے مستی
نگاہیں چرانے کے دن آ رہے ہیں
صبا پھر ہمیں پوچھتی پھر رہی ہے
چمن کو سجانے کے دن آ رہے ہیں
چلو فیضؔ پھر سے کہیں دل لگائیں
سنا ہے ٹھکانے کے دن آ رہے ہیں
Naseeb aazmane ke din aa rahe hain
Naseeb aazmane ke din aa rahe hain
Qareeb un ke aane ke din aa rahe hain
Jo dil se kaha hai jo dil se suna hai
Sab un ko sunane ke din aa rahe hain
Abhi se dil-o-jaan sar-e-rah rakh do
Ke lutne lutane ke din aa rahe hain
Tapakne lagi in nigahon se masti
Nigahain churane ke din aa rahe hain
Saba phir humein poochhti phir rahi hai
Chaman ko sajane ke din aa rahe hain
Chalo Faiz! phir se kahin dil lagaayen
Suna hai thikane ke din aa rahe hain