رنگ پیراہن کا خوشبو زلف لہرانے کا نام — فیض احمد فیض
شاعر
رنگ پیراہن کا خوشبو زلف لہرانے کا نام
رنگ پیراہن کا خوشبو زلف لہرانے کا نام
موسم گل ہے تمہارے بام پر آنے کا نام
دوستو اس چشم و لب کی کچھ کہو جس کے بغیر
گلستاں کی بات رنگیں ہے نہ مے خانے کا نام
پھر نظر میں پھول مہکے دل میں پھر شمعیں جلیں
پھر تصور نے لیا اس بزم میں جانے کا نام
دلبری ٹھہرا زبان خلق کھلوانے کا نام
اب نہیں لیتے پری رو زلف بکھرانے کا نام
اب کسی لیلیٰ کو بھی اقرار محبوبی نہیں
ان دنوں بدنام ہے ہر ایک دیوانے کا نام
محتسب کی خیر اونچا ہے اسی کے فیض سے
رند کا ساقی کا مے کا خم کا پیمانے کا نام
ہم سے کہتے ہیں چمن والے غریبان چمن
تم کوئی اچھا سا رکھ لو اپنے ویرانے کا نام
فیضؔ ان کو ہے تقاضائے وفا ہم سے جنہیں
آشنا کے نام سے پیارا ہے بیگانے کا نام
Rang Pairahan Ka Khushboo Zulf Lehrane Ka Naam
Rang pairahan ka khushboo zulf lehrane ka naam
Mausam-e-gul hai tumhare baam par aane ka naam
Dosto is chashm-o-lab ki kuch kaho jis ke baghair
Gulistan ki baat rangeen hai na mai-khane ka naam
Phir nazar mein phool mehke dil mein phir shama'ein jalīñ
Phir tasavvur ne liya us bazm mein jaane ka naam
Dilbari thehra zaban-e-khalq khulwane ka naam
Ab nahin lete pari-roo zulf bikhrane ka naam
Ab kisi Laila ko bhi iqrar-e-mehboobi nahin
In dinon badnaam hai har ek deewane ka naam
Mohtasib ki khair ooncha hai usi ke faiz se
Rind ka saaqi ka mai ka khum ka paimane ka naam
Hum se kehte hain chaman wale ghariban-e-chaman
Tum koi achha sa rakh lo apne veerane ka naam
Faiz un ko hai taqaza-e-wafa hum se jinhein
Aashna ke naam se pyara hai beegane ka naam