سب قتل ہو کے تیرے مقابل سے آئے ہیں — فیض احمد فیض
شاعر
سب قتل ہو کے تیرے مقابل سے آئے ہیں
سب قتل ہو کے تیرے مقابل سے آئے ہیں
ہم لوگ سرخ رو ہیں کہ منزل سے آئے ہیں
شمع نظر خیال کے انجم جگر کے داغ
جتنے چراغ ہیں تری محفل سے آئے ہیں
اٹھ کر تو آ گئے ہیں تری بزم سے مگر
کچھ دل ہی جانتا ہے کہ کس دل سے آئے ہیں
ہر اک قدم اجل تھا ہر اک گام زندگی
ہم گھوم پھر کے کوچۂ قاتل سے آئے ہیں
باد خزاں کا شکر کرو فیضؔ جس کے ہاتھ
نامے کسی بہار شمائل سے آئے ہیں
Sab Qatl Ho Ke Tere Muqabil Se Aaye Hain
Sab qatl ho ke tere muqabil se aaye hain
Hum log surkh-roo hain ke manzil se aaye hain
Shama'-e-nazar khayal ke anjum jigar ke daagh
Jitne charagh hain teri mehfil se aaye hain
Uth kar to aa gaye hain teri bazm se magar
Kuch dil hi jaanta hai ke kis dil se aaye hain
Har ek qadam ajal tha har ek gaam zindagi
Hum ghoom phir ke koocha-e-qatil se aaye hain
Baad-e-khizan ka shukr karo Faiz jis ke haath
Naame kisi bahar-shamail se aaye hain