تم آئے ہو نہ شب انتظار گزری ہے — فیض احمد فیض
شاعر
تم آئے ہو نہ شب انتظار گزری ہے
تم آئے ہو نہ شب انتظار گزری ہے
تلاش میں ہے سحر بار بار گزری ہے
جنوں میں جتنی بھی گزری بکار گزری ہے
اگرچہ دل پہ خرابی ہزار گزری ہے
ہوئی ہے حضرت ناصح سے گفتگو جس شب
وہ شب ضرور سر کوئے یار گزری ہے
وہ بات سارے فسانے میں جس کا ذکر نہ تھا
وہ بات ان کو بہت نا گوار گزری ہے
نہ گل کھلے ہیں نہ ان سے ملے نہ مے پی ہے
عجیب رنگ میں اب کے بہار گزری ہے
چمن پہ غارت گلچیں سے جانے کیا گزری
قفس سے آج صبا بے قرار گزری ہے
Tum Aaye Ho Na Shab-e-Intizar Guzri Hai
Tum aaye ho na shab-e-intizar guzri hai
Talash mein hai sahar bar bar guzri hai
Junoon mein jitni bhi guzri bekar guzri hai
Agarche dil pe kharabi hazar guzri hai
Hui hai Hazrat-e-Naseh se guftagoo jis shab
Woh shab zaroor sar-e-koo-e-yar guzri hai
Woh baat sare fasane mein jis ka zikr na tha
Woh baat un ko bahut na-gawar guzri hai
Na gul khule hain na un se mile na mai pee hai
Ajeeb rang mein ab ke bahar guzri hai
Chaman pe gharat-e-gulcheen se jaane kya guzri
Qafas se aaj saba be-qarar guzri hai