وفائے وعدہ نہیں وعدۂ دگر بھی نہیں — فیض احمد فیض
شاعر
وفائے وعدہ نہیں وعدۂ دگر بھی نہیں
وفائے وعدہ نہیں وعدۂ دگر بھی نہیں
وہ مجھ سے روٹھے تو تھے لیکن اس قدر بھی نہیں
برس رہی ہے حریم ہوس میں دولت حسن
گدائے عشق کے کاسے میں اک نظر بھی نہیں
نہ جانے کس لیے امیدوار بیٹھا ہوں
اک ایسی راہ پہ جو تیری رہ گزر بھی نہیں
نگاہ شوق سر بزم بے حجاب نہ ہو
وہ بے خبر ہی سہی اتنے بے خبر بھی نہیں
یہ عہد ترک محبت ہے کس لیے آخر
سکون قلب ادھر بھی نہیں ادھر بھی نہیں
Wafa-e-Wada Nahin Wada-e-Digar Bhi Nahin
Wafa-e-wada nahin wada-e-digar bhi nahin
Woh mujh se roothe to the lekin is qadar bhi nahin
Baras rahi hai hareem-e-havas mein daulat-e-husn
Gada-e-ishq ke kase mein ek nazar bhi nahin
Na jaane kis liye ummeedwar baitha hoon
Ek aisi raah pe jo teri reh-guzar bhi nahin
Nigah-e-shauq sar-e-bazm be-hijab na ho
Woh be-khabar hi sahi itne be-khabar bhi nahin
Yeh ahd-e-tark-e-mohabbat hai kis liye aakhir
Sukoon-e-qalb idhar bhi nahin udhar bhi nahin