چار سو ہے بڑی وحشت کا سماں — فہمیدہ ریاض
شاعر
چار سو ہے بڑی وحشت کا سماں
چار سو ہے بڑی وحشت کا سماں
کسی آسیب کا سایہ ہے یہاں
کوئی آواز سی ہے مرثیہ خواں
شہر کا شہر بنا گورستاں
ایک مخلوق جو بستی ہے یہاں
جس پہ انساں کا گزرتا ہے گماں
خود تو ساکت ہے مثال تصویر
جنبش غیر سے ہے رقص کناں
کوئی چہرہ نہیں جز زیر نقاب
نہ کوئی جسم ہے جز بے دل و جاں
علما ہیں دشمن فہم و تحقیق
کودنی شیوۂ دانش منداں
شاعر قوم پہ بن آئی ہے
کذب کیسے ہو تصوف میں نہاں
لب ہیں مصروف قصیدہ گوئی
اور آنکھوں میں ہے ذلت عریاں
سبز خط عاقبت و دیں کے اسیر
پارسا خوش تن و نو خیز جواں
یہ زن نغمہ گر و عشق شعار
یاس و حسرت سے ہوئی ہے حیراں
کس سے اب آرزوئے وصل کریں
اس خرابے میں کوئی مرد کہاں
Char su hai badi vahshat ka sama
Char su hai badi vahshat ka sama
Kisi aseeb ka saya hai yahan
Koi aawaz si hai marsiya-khwan
Shehar ka shehar bana goristan
Ek makhlooq jo basti hai yahan
Jis pe insan ka guzarta hai guman
Khud to saakit hai misal-e-tasveer
Jumbish-e-ghair se hai raqs-kunan
Koi chehra nahin juz zer-e-naqab
Na koi jism hai juz be-dil-o-jaan
Ulma hain dushman-e-fehm-o-tehqeeq
Kudni shewa-e-daanishmandan
Shair-e-qaum pe ban aayi hai
Kizb kaise ho tasawwuf mein nihan
Lab hain masroof-e-qaseeda-goi
Aur aankhon mein hai zillat-e-uryan
Sabz-e-khat aaqubat-o-deen ke aseer
Parsa khush-tan-o-nau-khez jawan
Yeh zan-e-naghma-gar-o-ishq-sha'ar
Yaas-o-hasrat se hui hai hairan
Kis se ab aarzoo-e-vasl karein
Is kharabe mein koi mard kahan
شاعر کے بارے میں
فہمیدہ ریاض اردو ادب کی اُن منفرد، جری اور اثر انگیز آوازوں میں شمار ہوتی ہیں جنہوں نے شاعری کو محض جمالیاتی اظہار کے بجائے فکری، سماجی اور سیاسی م...
مکمل تعارف پڑھیں