جو مجھ میں چھپا میرا گلا گھونٹ رہا ہے — فہمیدہ ریاض
شاعر
جو مجھ میں چھپا میرا گلا گھونٹ رہا ہے
جو مجھ میں چھپا میرا گلا گھونٹ رہا ہے
یا وہ کوئی ابلیس ہے یا میرا خدا ہے
جب سر میں نہیں عشق تو چہرے پہ چمک ہے
یہ نخل خزاں آئی تو شاداب ہوا ہے
کیا میرا زیاں ہے جو مقابل ترے آ جاؤں
یہ امر تو معلوم کہ تو مجھ سے بڑا ہے
میں بندہ و ناچار کہ سیراب نہ ہو پاؤں
اے ظاہر و موجود مرا جسم دعا ہے
ہاں اس کے تعاقب سے مرے دل میں ہے انکار
وہ شخص کسی کو نہ ملے گا نہ ملا ہے
کیوں نور ابد دل میں گزر کر نہیں پاتا
سینے کی سیاہی سے نیا حرف لکھا ہے
Jo Mujh Mein Chhupa Mera Gala Ghont Raha Hai
Jo mujh mein chhupa mera gala ghont raha hai
Ya woh koi iblees hai ya mera Khuda hai
Jab sar mein nahin ishq to chehre pe chamak hai
Yeh nakhl khizaan aayi to shadaab hua hai
Kya mera ziyaan hai jo muqabil tere aa jaaoon
Yeh amar to maloom ke tu mujh se bada hai
Main banda-o-naachar ke sairaab na ho paaoon
Ae zaahir-o-maujood mera jism dua hai
Haan us ke taaqub se mere dil mein hai inkar
Woh shakhs kisi ko na milega na mila hai
Kyun noor-e-abad dil mein guzar kar nahin paata
Seene ki siyahi se naya harf likha hai
شاعر کے بارے میں
فہمیدہ ریاض اردو ادب کی اُن منفرد، جری اور اثر انگیز آوازوں میں شمار ہوتی ہیں جنہوں نے شاعری کو محض جمالیاتی اظہار کے بجائے فکری، سماجی اور سیاسی م...
مکمل تعارف پڑھیں