جو مجھ میں چھپا میرا گلا گھونٹ رہا ہے — فہمیدہ ریاض
شاعر
جو مجھ میں چھپا میرا گلا گھونٹ رہا ہے
جو مجھ میں چھپا میرا گلا گھونٹ رہا ہے
یا وہ کوئی ابلیس ہے یا میرا خدا ہے
جب سر میں نہیں عشق تو چہرے پہ چمک ہے
یہ نخل خزاں آئی تو شاداب ہوا ہے
کیا میرا زیاں ہے جو مقابل ترے آ جاؤں
یہ امر تو معلوم کہ تو مجھ سے بڑا ہے
میں بندہ و ناچار کہ سیراب نہ ہو پاؤں
اے ظاہر و موجود مرا جسم دعا ہے
ہاں اس کے تعاقب سے مرے دل میں ہے انکار
وہ شخص کسی کو نہ ملے گا نہ ملا ہے
کیوں نور ابد دل میں گزر کر نہیں پاتا
سینے کی سیاہی سے نیا حرف لکھا ہے
Jo mujh mein chhupa mera gala ghoont raha hai
Jo mujh mein chhupa mera gala ghoont raha hai
Ya woh koi iblis hai ya mera Khuda hai
Jab sar mein nahin ishq to chehre pe chamak hai
Yeh nakhl-e-khizan aayi to shadab hua hai
Kya mera ziyan hai jo muqabil tere aa jaaun
Yeh amr to maloom ke tu mujh se bada hai
Main banda-o-nachar ke sairab na ho paun
Ae zahir-o-maujood mera jism dua hai
Haan us ke taaqub se mere dil mein hai inkar
Woh shakhs kisi ko na milega na mila hai
Kyon noor-e-abad dil mein guzar kar nahin pata
Seene ki siyahi se naya harf likha hai
شاعر کے بارے میں
فہمیدہ ریاض اردو ادب کی اُن منفرد، جری اور اثر انگیز آوازوں میں شمار ہوتی ہیں جنہوں نے شاعری کو محض جمالیاتی اظہار کے بجائے فکری، سماجی اور سیاسی م...
مکمل تعارف پڑھیں