کبھی دھنک سی اترتی تھی ان نگاہوں میں — فہمیدہ ریاض
شاعر
کبھی دھنک سی اترتی تھی ان نگاہوں میں
کبھی دھنک سی اترتی تھی ان نگاہوں میں
وہ شوخ رنگ بھی دھیمے پڑے ہواؤں میں
میں تیز گام چلی جا رہی تھی اس کی سمت
کشش عجیب تھی اس دشت کی صداؤں میں
وہ اک صدا جو فریب صدا سے بھی کم ہے
نہ ڈوب جائے کہیں تند رو ہواؤں میں
سکوت شام ہے اور میں ہوں گوش بر آواز
کہ ایک وعدے کا افسوں سا ہے فضاؤں میں
مری طرح یوں ہی گم کردہ راہ چھوڑے گی
تم اپنی بانہہ نہ دینا ہوا کی بانہوں میں
نقوش پاؤں کے لکھتے ہیں منزل نا یافت
مرا سفر تو ہے تحریر میری راہوں میں
Kabhi dhanak si utarti thi un nigahon mein
Kabhi dhanak si utarti thi un nigahon mein
Woh shokh rang bhi dheeme pade hawaon mein
Main tez-gaam chali ja rahi thi uski simt
Kashish ajeeb thi us dasht ki sadaon mein
Woh ek sada jo fareb-e-sada se bhi kam hai
Na doob jaaye kahin tund-rau hawaon mein
Sukoot-e-sham hai aur main hun gosh bar aawaz
Ke ek waade ka afsun sa hai fazaon mein
Meri tarah yun hi gum-karda raah chhodegi
Tum apni banh na dena hawa ki bahon mein
Nuqosh-e-paon ke likhte hain manzil-e-na-yaft
Mera safar to hai tehreer meri raahon mein
شاعر کے بارے میں
فہمیدہ ریاض اردو ادب کی اُن منفرد، جری اور اثر انگیز آوازوں میں شمار ہوتی ہیں جنہوں نے شاعری کو محض جمالیاتی اظہار کے بجائے فکری، سماجی اور سیاسی م...
مکمل تعارف پڑھیں