پتھر سے وصال مانگتی ہوں — فہمیدہ ریاض
شاعر
پتھر سے وصال مانگتی ہوں
پتھر سے وصال مانگتی ہوں
میں آدمیوں سے کٹ گئی ہوں
شاید پاؤں سراغ الفت
مٹھی میں خاک بھر رہی ہوں
ہر لمس ہے جب تپش سے عاری
کس آنچ سے یوں پگھل رہی ہوں
وہ خواہش بوسہ بھی نہیں اب
حیرت سے ہونٹ کاٹتی ہوں
اک طفلک جستجو ہوں شاید
میں اپنے بدن سے کھیلتی ہوں
اب طبع کسی پہ کیوں ہو راغب
انسانوں کو برت چکی ہوں
Patthar se visal mangti hun
Patthar se visal mangti hun
Main aadmiyon se kat gayi hun
Shayad paun suragh-e-ulfat
Mutthi mein khaak bhar rahi hun
Har lams hai jab tapish se aari
Kis aanch se yun pighal rahi hun
Woh khwahish-e-bosa bhi nahin ab
Hairat se honth kaatti hun
Ek tifl-e-justaju hun shayad
Main apne badan se khelti hun
Ab tab' kisi pe kyon ho raghib
Insanon ko bart chuki hun
شاعر کے بارے میں
فہمیدہ ریاض اردو ادب کی اُن منفرد، جری اور اثر انگیز آوازوں میں شمار ہوتی ہیں جنہوں نے شاعری کو محض جمالیاتی اظہار کے بجائے فکری، سماجی اور سیاسی م...
مکمل تعارف پڑھیں