یہ پیرہن جو مری روح کا اتر نہ سکا — فہمیدہ ریاض
شاعر
یہ پیرہن جو مری روح کا اتر نہ سکا
یہ پیرہن جو مری روح کا اتر نہ سکا
تو نخ بہ نخ کہیں پیوست ریشۂ دل تھا
مجھے مآل سفر کا ملال کیوں کر ہو
کہ جب سفر ہی مرا فاصلوں کا دھوکا تھا
میں جب فراق کی راتوں میں اس کے ساتھ رہی
وہ پھر وصال کے لمحوں میں کیوں اکیلا تھا
وہ واسطے کی ترا درمیاں بھی کیوں آئے
خدا کے ساتھ مرا جسم کیوں نہ ہو تنہا
سراب ہوں میں تری پیاس کیا بجھاؤں گی
اس اشتیاق سے تشنہ زباں قریب نہ لا
سراب ہوں کہ بدن کی یہی شہادت ہے
ہر ایک عضو میں بہتا ہے ریت کا دریا
جو میرے لب پہ ہے شاید وہی صداقت ہے
جو میرے دل میں ہے اس حرف رایگاں پہ نہ جا
جسے میں توڑ چکی ہوں وہ روشنی کا طلسم
شعاع نور ازل کے سوا کچھ اور نہ تھا
Yeh pairahan jo meri rooh ka utar na saka
Yeh pairahan jo meri rooh ka utar na saka
To nakh ba nakh kahin paivast resha-e-dil tha
Mujhe maal-e-safar ka malal kyon kar ho
Ke jab safar hi mera faslon ka dhoka tha
Main jab firaq ki raaton mein uske saath rahi
Woh phir visal ke lamhon mein kyon akela tha
Woh waaste ki tera darmiyan bhi kyon aaye
Khuda ke saath mera jism kyon na ho tanha
Sarab hun main teri pyas kya bujhaungi
Is ishtiyaq se tashna-zaban qareeb na la
Sarab hun ke badan ki yahi shahadat hai
Har ek uzv mein behta hai ret ka darya
Jo mere lab pe hai shayad wahi sadaqat hai
Jo mere dil mein hai us harf-e-raeygan pe na ja
Jise main tod chuki hun woh roshni ka tilism
Shua-e-noor-e-azal ke siwa kuch aur na tha
شاعر کے بارے میں
فہمیدہ ریاض اردو ادب کی اُن منفرد، جری اور اثر انگیز آوازوں میں شمار ہوتی ہیں جنہوں نے شاعری کو محض جمالیاتی اظہار کے بجائے فکری، سماجی اور سیاسی م...
مکمل تعارف پڑھیں