آنکھوں میں جل رہا ہے پہ بجھتا نہیں دھواں — گلزار
شاعر
آنکھوں میں جل رہا ہے پہ بجھتا نہیں دھواں
آنکھوں میں جل رہا ہے پہ بجھتا نہیں دھواں
اٹھتا تو ہے گھٹا سا برستا نہیں دھواں
پلکوں کے ڈھانپنے سے بھی رکتا نہیں دھواں
کتنی انڈیلیں آنکھیں پہ بجھتا نہیں دھواں
آنکھوں سے آنسوؤں کے مراسم پرانے ہیں
مہماں یہ گھر میں آئیں تو چبھتا نہیں دھواں
چولھے نہیں جلائے کہ بستی ہی جل گئی
کچھ روز ہو گئے ہیں اب اٹھتا نہیں دھواں
کالی لکیریں کھینچ رہا ہے فضاؤں میں
بورا گیا ہے منہ سے کیوں کھلتا نہیں دھواں
آنکھوں کے پوچھنے سے لگا آگ کا پتہ
یوں چہرہ پھیر لینے سے چھپتا نہیں دھواں
چنگاری اک اٹک سی گئی میرے سینے میں
تھوڑا سا آ کے پھونک دو اڑتا نہیں دھواں
Aankhon mein jal raha hai pe bujhta nahin dhuaan
Aankhon mein jal raha hai pe bujhta nahin dhuaan
UṬhta to hai ghaTa sa barasta nahin dhuaan
Palkon ke Dhaanpne se bhi rukta nahin dhuaan
Kitni anDeelin aankhen pe bujhta nahin dhuaan
Aankhon se aansu.on ke marasim purane hain
Mehmaan yeh ghar mein aa.en to chubhata nahin dhuaan
Choolhe nahin jala.e ke basti hi jal gai
Kuchh roz ho ga.e hain ab uThta nahin dhuaan
Kaali lakeeren kheench raha hai fiza.on mein
Bora gaya hai munh se kyon khulta nahin dhuaan
Aankhon ke poochhne se laga aag ka pata
Yun chehra pher lene se chhupata nahin dhuaan
Chingaari ek aTak si gai mere seene mein
ThoRa sa aa ke phoonk do uRta nahin dhuaan