وہ خط کے پرزے اڑا رہا تھا — گلزار
شاعر
وہ خط کے پرزے اڑا رہا تھا
وہ خط کے پرزے اڑا رہا تھا
ہواؤں کا رخ دکھا رہا تھا
بتاؤں کیسے وہ بہتا دریا
جب آ رہا تھا تو جا رہا تھا
کچھ اور بھی ہو گیا نمایاں
میں اپنا لکھا مٹا رہا تھا
دھواں دھواں ہو گئی تھیں آنکھیں
چراغ کو جب بجھا رہا تھا
منڈیر سے جھک کے چاند کل بھی
پڑوسیوں کو جگا رہا تھا
اسی کا ایماں بدل گیا ہے
کبھی جو میرا خدا رہا تھا
وہ ایک دن ایک اجنبی کو
مری کہانی سنا رہا تھا
وہ عمر کم کر رہا تھا میری
میں سال اپنے بڑھا رہا تھا
خدا کی شاید رضا ہو اس میں
تمہارا جو فیصلہ رہا تھا
Woh khat ke purze uda raha tha
Woh khat ke purze uda raha tha
Hawaon ka rukh dikha raha tha
Bataun kaise woh behta darya
Jab aa raha tha to ja raha tha
Kuchh aur bhi ho gaya numayan
Main apna likha mita raha tha
Dhuan dhuan ho gayi thin aankhen
Chiragh ko jab bujha raha tha
Mandeer se jhuk ke chand kal bhi
Padosiyon ko jaga raha tha
Isi ka imaan badal gaya hai
Kabhi jo mera khuda raha tha
Woh ek din ek ajnabi ko
Meri kahani suna raha tha
Woh umar kam kar raha tha meri
Main saal apne badha raha tha
Khuda ki shayad raza ho is mein
Tumhara jo faisla raha tha