گرم لاشیں گریں فصیلوں سے — گلزار
شاعر
گرم لاشیں گریں فصیلوں سے
گرم لاشیں گریں فصیلوں سے
آسماں بھر گیا ہے چیلوں سے
سولی چڑھنے لگی ہے خاموشی
لوگ آئے ہیں سن کے میلوں سے
کان میں ایسے اتری سرگوشی
برف پھسلی ہو جیسے ٹیلوں سے
گونج کر ایسے لوٹتی ہے صدا
کوئی پوچھے ہزاروں میلوں سے
پیاس بھرتی رہی مرے اندر
آنکھ ہٹتی نہیں تھی جھیلوں سے
لوگ کندھے بدل بدل کے چلے
گھاٹ پہنچے بڑے وسیلوں سے
Garm lashein girin faseelon se
Garm lashen girin faseelon se
Aasmaan bhar gaya hai cheelon se
Sooli chaRhne lagi hai khamoshi
Log aa.e hain sun ke meelon se
Kaan mein aise utri sargoshi
Barf phisli ho jaise Teelon se
Goonj kar aise lauTti hai sada
Koi poochhe hazaaron meelon se
Pyaas bharti rahi mere andar
Aankh haTti nahin thi jheelon se
Log kandhe badal badal ke chale
GhaaT pahunche baRe vaseelon se