کھلی کتاب کے صفحے الٹتے رہتے ہیں — گلزار
شاعر
کھلی کتاب کے صفحے الٹتے رہتے ہیں
کھلی کتاب کے صفحے الٹتے رہتے ہیں
ہوا چلے نہ چلے دن پلٹتے رہتے ہیں
بس ایک وحشت منزل ہے اور کچھ بھی نہیں
کہ چند سیڑھیاں چڑھتے اترتے رہتے ہیں
مجھے تو روز کسوٹی پہ درد کستا ہے
کہ جاں سے جسم کے بخیے ادھڑتے رہتے ہیں
کبھی رکا نہیں کوئی مقام صحرا میں
کہ ٹیلے پاؤں تلے سے سرکتے رہتے ہیں
یہ روٹیاں ہیں یہ سکے ہیں اور دائرے ہیں
یہ ایک دوجے کو دن بھر پکڑتے رہتے ہیں
بھرے ہیں رات کے ریزے کچھ ایسے آنکھوں میں
اجالا ہو تو ہم آنکھیں جھپکتے رہتے ہیں
Khuli kitab ke safhe ulaTte rehte hain
Khuli kitab ke safhe ulaTte rehte hain
Hava chale na chale din palaTte rehte hain
Bas ek vahshat-e-manzil hai aur kuchh bhi nahin
Ke chand seeRhiyan chaRhte utarte rehte hain
Mujhe to roz kasauTi pe dard kasta hai
Ke jaan se jism ke bakhiye udhaRte rehte hain
Kabhi ruka nahin koi maqam sahra mein
Ke Teele paaon tale se sarakte rehte hain
Yeh rooTiyan hain yeh sikke hain aur daa.ere hain
Yeh ek doo.e ko din bhar pakaRte rehte hain
Bhare hain raat ke reze kuchh aise aankhon mein
Ujala ho to hum aankhen jhapakte rehte hain