رکے رکے سے قدم رک کے بار بار چلے — گلزار
شاعر
رکے رکے سے قدم رک کے بار بار چلے
رکے رکے سے قدم رک کے بار بار چلے
قرار دے کے ترے در سے بے قرار چلے
اٹھائے پھرتے تھے احسان جسم کا جاں پر
چلے جہاں سے تو یہ پیرہن اتار چلے
نہ جانے کون سی مٹی وطن کی مٹی تھی
نظر میں دھول جگر میں لیے غبار چلے
سحر نہ آئی کئی بار نیند سے جاگے
تھی رات رات کی یہ زندگی گزار چلے
ملی ہے شمع سے یہ رسم عاشقی ہم کو
گناہ ہاتھ پہ لے کر گناہ گار چلے
Ruke ruke se qadam ruk ke baar baar chale
Ruke ruke se qadam ruk ke baar baar chale
Qarar de ke tere dar se be-qarar chale
Uthae phirte the ehsaan jism ka jaan par
Chale jahan se to yeh pairahan utaar chale
Na jaane kaun si mitti watan ki mitti thi
Nazar mein dhool jigar mein liye ghubar chale
Sehar na aayi kai baar neend se jaage
Thi raat raat ki yeh zindagi guzaar chale
Mili hai shama se yeh rasm-e-aashiqi hum ko
Gunaah haath pe le kar gunaahgaar chale