تنکا تنکا کانٹے توڑے ساری رات کٹائی کی — گلزار
شاعر
تنکا تنکا کانٹے توڑے ساری رات کٹائی کی
تنکا تنکا کانٹے توڑے ساری رات کٹائی کی
کیوں اتنی لمبی ہوتی ہے چاندنی رات جدائی کی
نیند میں کوئی اپنے آپ سے باتیں کرتا رہتا ہے
کال کنوئیں میں گونجتی ہے آواز کسی سودائی کی
سینے میں دل کی آہٹ جیسے کوئی جاسوس چلے
ہر سائے کا پیچھا کرنا عادت ہے ہرجائی کی
آنکھوں اور کانوں میں کچھ سناٹے سے بھر جاتے ہیں
کیا تم نے اڑتی دیکھی ہے ریت کبھی تنہائی کی
تاروں کی روشن فصلیں اور چاند کی ایک درانتی تھی
ساہو نے گروی رکھ لی تھی میری رات کٹائی کی
Tinka tinka kaante tode saari raat kataai ki
Tinka tinka kaante tode saari raat kataai ki
Kyun itni lambi hoti hai chandni raat judai ki
Neend mein koi apne aap se baaten karta rehta hai
Kaal kunein mein goonjti hai aawaaz kisi saudai ki
Seene mein dil ki aahat jaise koi jasoos chale
Har saaye ka peechha karna aadat hai harjai ki
Aankhon aur kaanon mein kuchh sannate se bhar jaate hain
Kya tum ne udti dekhi hai ret kabhi tanhai ki
Taaron ki roshan faslein aur chand ki ek daranti thi
Saahu ne girwi rakh li thi meri raat kataai ki