اپنی چادر کو پرچم کر سکتی ہے — عشرت آفریں
شاعر
اپنی چادر کو پرچم کر سکتی ہے
اپنی چادر کو پرچم کر سکتی ہے
عورت اک تاریخ رقم کر سکتی ہے
ایوانوں سے نکل سکے تو یہ آواز
اک عالم درہم برہم کر سکتی ہے
چار دواری میں پابند اکیلی سوچ
ڈرو کہ قاتل کو محرم کر سکتی ہے
زندہ دفنائی گئی عورت کی اک چیخ
خاموشی کے ہاتھ قلم کر سکتی ہے
وہ جو بیاہی گئی کلام پاک کے ساتھ
لکھنے کو پوریں تو قلم کر سکتی ہے
گہری کالی رات میں ایک دیے کی لو
تاریکی كا دکھ تو کم کر سکتی ہے
بچوں کی ننھی منی میٹھی مسکان
جینے كا سامان بہم کر سکتی ہے
Apni chadar ko parcham kar sakti hai
Apni chadar ko parcham kar sakti hai
Aurat ek tareekh raqam kar sakti hai
Aiwanon se nikal sake to yeh awaaz
Ek aalam darham barham kar sakti hai
Char deewari mein paband akeli soch
Daro ke qatil ko mahram kar sakti hai
Zinda dafnayi gayi aurat ki ek cheekh
Khamoshi ke haath qalam kar sakti hai
Wo jo byahi gayi kalam-e-pak ke saath
Likhne ko porain to qalam kar sakti hai
Gahri kaali raat mein ek diye ki lau
Tareeki ka dukh to kam kar sakti hai
Bachchon ki nanhi munni meethi muskaan
Jeene ka samaan baham kar sakti hai
شاعر کے بارے میں
عشرت آفرین، جن کا اصل نام عشرت جہان ہے، اردو ادب کی ایک ممتاز شاعرہ اور ادبی شخصیت ہیں۔ وہ 25 دسمبر 1956ء کو کراچی میں پیدا ہوئیں اور اپنے گھرانے م...
مکمل تعارف پڑھیں