بظاہر ٹوٹ کر بکھرے نہیں ہیں — عشرت آفریں
شاعر
بظاہر ٹوٹ کر بکھرے نہیں ہیں
بظاہر ٹوٹ کر بکھرے نہیں ہیں
مگر ہم اب وہ پہلے سے نہیں ہیں
وہی بے چین رکھتے ہیں زیادہ
ابھی تک حرف جو لکھے نہیں ہیں
ہے مٹی سے جڑے رہنا ضروری
خلا میں پھول تو کھلتے نہیں ہیں
لڑائی لڑ رہے ہیں زندگی سے
تھکے تو ہیں مگر ہارے نہیں ہیں
یہ دریا خشک ہے ایسا نہیں بس
کسی کے سامنے روتے نہیں ہیں
سمجھ میں آ گئی جس روز دنیا
اسی دن سے تو دنیا کے نہیں ہیں
کہ بے ترتیب بھی رہنے دیا کر
یہ گھر ہیں آئنہ خانے نہیں ہیں
Bazahir toot kar bikhre nahin hain
Bazahir toot kar bikhre nahin hain
Magar hum ab wo pehle se nahin hain
Wohi be-chain rakhte hain ziyada
Abhi tak harf jo likhe nahin hain
Hai mitti se jude rehna zaroori
Khala mein phool to khilte nahin hain
Ladaai lad rahe hain zindagi se
Thake to hain magar haare nahin hain
Ye darya khushk hai aisa nahin bas
Kisi ke saamne rote nahin hain
Samajh mein aa gai jis roz duniya
Isi din se to duniya ke nahin hain
Ke be-tartib bhi rehne diya kar
Ye ghar hain aaina-khane nahin hain
شاعر کے بارے میں
عشرت آفرین، جن کا اصل نام عشرت جہان ہے، اردو ادب کی ایک ممتاز شاعرہ اور ادبی شخصیت ہیں۔ وہ 25 دسمبر 1956ء کو کراچی میں پیدا ہوئیں اور اپنے گھرانے م...
مکمل تعارف پڑھیں