دل کی شیرینی باتوں میں ہوتی تھی — عشرت آفریں
شاعر
دل کی شیرینی باتوں میں ہوتی تھی
دل کی شیرینی باتوں میں ہوتی تھی
پھر تاثیر مناجاتوں میں ہوتی تھی
کیا دن تھے جب کنجی خوشی خزانے کی
اپنے دھول بھرے ہاتھوں میں ہوتی تھی
بچپن میں میٹھی روٹی جیسی خوشبو
ماں کی بھید بھری باتوں میں ہوتی تھی
کچے رنگوں کا آنچل اور بھیگے خواب
کتنی مشکل برساتوں میں ہوتی تھی
یاں تو اپنی ذات کے غم میں رہتے ہیں
دکھ سے جنگ مضافاتوں میں ہوتی تھی
Dil ki sheerini baaton mein hoti thi
Dil ki sheerini baaton mein hoti thi
Phir taseer munajaton mein hoti thi
Kya din the jab kunji khushi khazane ki
Apne dhool bhare haathon mein hoti thi
Bachpan mein meethi roti jaisi khushboo
Maa ki bhed bhari baaton mein hoti thi
Kachche rangon ka aanchal aur bheege khwab
Kitni mushkil barsaton mein hoti thi
Yaan to apni zaat ke gham mein rehte hain
Dukh se jang muzaafaton mein hoti thi
شاعر کے بارے میں
عشرت آفرین، جن کا اصل نام عشرت جہان ہے، اردو ادب کی ایک ممتاز شاعرہ اور ادبی شخصیت ہیں۔ وہ 25 دسمبر 1956ء کو کراچی میں پیدا ہوئیں اور اپنے گھرانے م...
مکمل تعارف پڑھیں