خون ناحق کی طرح گلیوں میں جب بہتی ہے رات — عشرت آفریں
شاعر
خون ناحق کی طرح گلیوں میں جب بہتی ہے رات
خون ناحق کی طرح گلیوں میں جب بہتی ہے رات
ذرہ ذرہ چیختا ہے اور چپ رہتی ہے رات
پارساؤں کے حرم آباد رکھنے کے لئے
داشتاؤں کی طرح ہنس ہنس کے دکھ سہتی ہے رات
جب کواڑوں سے ہوا سرگوشیاں کرنے لگے
تب دیے کی لو سے دھیرے دھیرے کچھ کہتی ہے رات
چاند تاروں کے اسی ملبے سے تازہ آفتاب
سر اٹھاتا ہے کھنڈر کی طرح جب ڈہتی ہے رات
کون دروازے دبے قدموں نکل جاتا ہے دن
کون سی دہلیز پر سر رکھ کے سو رہتی ہے رات
Khoon-e-nahaq ki tarah galiyon mein jab behti hai raat
Khoon-e-nahaq ki tarah galiyon mein jab behti hai raat
Zarra zarra cheekhta hai aur chup rehti hai raat
Parsaon ke haram aabaad rakhne ke liye
Dashtaon ki tarah hans hans ke dukh sehti hai raat
Jab kuwaaron se hawa sargoshiyan karne lage
Tab diye ki lau se dheere dheere kuch kehti hai raat
Chaand taaron ke isi malbe se taza aftab
Sar uthata hai khandar ki tarah jab dhati hai raat
Kaun darwaze dabe qadmon nikal jata hai din
Kaun si dehleez par sar rakh ke so rehti hai raat
شاعر کے بارے میں
عشرت آفرین، جن کا اصل نام عشرت جہان ہے، اردو ادب کی ایک ممتاز شاعرہ اور ادبی شخصیت ہیں۔ وہ 25 دسمبر 1956ء کو کراچی میں پیدا ہوئیں اور اپنے گھرانے م...
مکمل تعارف پڑھیں