پرانے محلے کا سنسان آنگن — عشرت آفریں
شاعر
پرانے محلے کا سنسان آنگن
پرانے محلے کا سنسان آنگن
مجھے پا کے تھا کتنا حیران آنگن
یہ تہذیب کو پاؤں چلنا سکھائیں
سمیٹے ہیں صدیوں کے امکان آنگن
وہ دیوار سے جھانکتی شوخ آنکھیں
وہ پہرے پہ بوڑھا نگہبان آنگن
کوئی جست میں پار کرتا ہے چوکھٹ
کسی کے لئے اک بیابان آنگن
کسی کے لئے پایۂ تخت ہے یہ
کسی کے لئے ایک زندان آنگن
سنا رفتہ رفتہ کھنڈر ہو رہے ہیں
وہ آباد گلیاں وہ گنجان آنگن
کدھر جائیں تہذیب کی ہجرتوں میں
یہ بوڑھے درخت اور یہ ویران آنگن
Purane muhalle ka sunsan angan
Purane muhalle ka sunsan angan
Mujhe pa ke tha kitna hairan angan
Ye tahzeeb ko paon chalna sikhayen
Samete hain sadiyon ke imkan angan
Woh diwar se jhankti shokh aankhen
Woh pahre pe boodha nigehban angan
Koi just mein paar karta hai chaukhat
Kisi ke liye ik bayaban angan
Kisi ke liye paya-e-takht hai ye
Kisi ke liye ek zindan angan
Suna rafta rafta khandhar ho rahe hain
Woh abad galiyan woh gunjan angan
Kidhar jayen tahzeeb ki hijraton mein
Ye boodhe darakht aur ye veeran angan
شاعر کے بارے میں
عشرت آفرین، جن کا اصل نام عشرت جہان ہے، اردو ادب کی ایک ممتاز شاعرہ اور ادبی شخصیت ہیں۔ وہ 25 دسمبر 1956ء کو کراچی میں پیدا ہوئیں اور اپنے گھرانے م...
مکمل تعارف پڑھیں